မီနူး

ကျောက်ကပ်ဆေးခြင်း ( Dialysis )

ကျောက်ကပ်ဆေးခြင်း ( Dialysis )

နောက်ဆုံးအဆင့်ကျောက်ကပ်ပျက်စီးတဲ့လူနာတွေမှာ ရွေးချယ်စရာကုသစရာအနေနဲ့ အဓိကအားဖြင့် ၃ မျိုးရှိပါတယ်။

(၁) ကျောက်ကပ်ဆေးခြင်း (သို့) သွေးသန့်စင်ခြင်း

သွေးကြောမှ သွေးသန့်စင်ခြင်း

– ဝမ်းဗိုက်မှ သွေးသန့်စင်ခြင်း

(၂) ကျောက်ကပ်အစားထိုးကုသခြင်း

(၃) လက္ခဏာဝေဒနာများကိုသာ ကုသပေးခြင်း

ဒီအထဲကမှ ကျောက်ကပ်ဆေးခြင်း (သွေးသန့်စင်ခြင်း)ဟာ အသုံးများပြီး တွင်တွင်ကျယ်ကျယ်လည်း ကုသမှုခံယူနေကြတဲ့ နည်းလမ်းတစ်မျိုး ဖြစ်ပါတယ်။

..

..

???? ကျောက်ကပ်ရောဂါဖြစ်ရင် ဘာကြောင့် သွေးသန့်စင်ရသလဲ ?

ကျောက်ကပ်ဟာ ခန္ဓာကိုယ်အတွင်းရှိ အညစ်အကြေးတွေ ၊ ပိုလျှံနေတဲ့ ဓာတ်ပစ္စည်းတွေ အရည်တွေကို ဖယ်ရှားပေးပါတယ်။ ကျောက်ကပ် အလွန်ပျက်စီးတဲ့အခါ အဲဒါတွေကို မဖယ်ရှားနိုင်တော့တာမို့ အသက်အန္တရာယ် ထိခိုက်စေနိုင်ပါတယ်။ ဒီအခါမှာ ကျောက်ကပ်တုပါဝင်တဲ့စက်နဲ့ ကျောက်ကပ်ရဲ့လုပ်ငန်းဆောင်တာတွေကို တာဝန်ယူဆောင်ရွက်ပေး ပြီး ခန္ဓာကိုယ်တွင်းက သွေးတွေကိုသန့်စင်ပေးပါတယ်။

..

???? သွေးသန့်စင်ခြင်းအမျိုးအစား ဘယ်နှစ်မျိုးရှိလဲ ?

အဓိကအားဖြင့် သွေးကြောမှ သွေးသန့်စင်ခြင်းနဲ့ ဝမ်းဗိုက်မှ သွေးသန့်စင်ခြင်းတို့ ရှိပါတယ်။

– သွေးကြောမှ သွေးသန့်စင်ခြင်းဟာ သွေးကြောအတွင်းကသွေးကို ကျောက်ကပ်အတုမှာ သန့်စင်ပြီး ၊ သန့်စင်ထားတဲ့သွေးကို ခန္ဓာကိုယ်အတွင်းသို့ ပြန်လည် ပေးပို့ခြင်း ဖြစ်ပါတယ်။

ဝမ်းဗိုက်မှ သွေးသန့်စင်ခြင်းဟာ ဝမ်းဗိုက်အတွင်းကို ဆေးရည်ထည့်ပြီး သွေးကိုသန့်စင်ပေးခြင်း ဖြစ်ပါတယ်။

..

???? သွေးသန့်စင်ဖို့ ဘာတွေ ပြင်ဆင်ရမလဲ ?

သွေးကြောမှတစ်ဆင့် သွေးသန့်စင်ဖို့အတွက် သွေးကြောမွေးဖို့ လိုအပ်ပါတယ်။ သွေးကြောမွေးဖို့ အချိန် ၃ လခန့် ယူရတတ်ပါတယ်။ ဒါမှမဟုတ် သွေးကြောမကြီးထဲကို ပြွန်ထည့်ပြီး သွေးသန့်စင်ခြင်းလည်း ပြုလုပ်လို့ရပါတယ်။ သွေးကြောပြွန်ဟာ ရောဂါပိုးဝင်နိုင်ခြေများတဲ့အတွက် တတ်နိုင်သမျှတော့ ရှောင်ရှားသင့်ပါတယ်။

..

???? သွေးသန့်စင်ဖို့ အချိန်ဘယ်လောက်ပေးရသလဲ ?

အကြမ်းဖျဉ်းအားဖြင့် သွေးသန့်စင်ခန်းမှာ သွေးသန့်စင်ဖို့ တစ်ကြိမ်ကို ၄ နာရီခန့် ကြာမြင့်ပြီး တစ်ပတ်ကို ၂-၃ ကြိမ်ခန့် သန့်စင်ဖို့လိုပါတယ်။ တစ်ကြိမ် ၄ နာရီ တစ်ပတ် ၃ ကြိမ် သွေးသန့်စင်ခြင်းဟာ ပုံမှန် အလုပ်လုပ်နေတဲ့ကျောက်ကပ်​ရဲ့ ၁၀-၁၅% သာ သန့်စင်မှု ပြုလုပ်နိုင်ပါတယ်။

..

???? ဘေးထွက်ဆိုးကျိုးတွေက ဘာတွေလဲ?

သွေးသန့်စင်ရာမှာ အသုံးပြုတဲ့ သွေးကြော ၊ ပြွန်တို့ ပိတ်တတ်ပါတယ်။ အဲ့လိုပိတ်ရင် သွေး​ကြောဖွင့်ခြင်း၊ ပြွန်လဲလှယ်ခြင်းတို့ ပြုလုပ်ရတတ်ပါတယ်။ သွေးသန့်စင်နေချိန် သွေးပေါင်ကျခြင်း ၊ နှလုံးခုန် မမှန်ခြင်း ၊ ကြွက်တက်ခြင်း ၊ ပျို့အန်ခြင်း ၊ မူးဝေခြင်း ၊ သတိလစ်ခြင်းတို့ ဖြစ်နိုင်ပါတယ်။

..

???? ကျောက်ကပ်ဆေးတဲ့အပြင် ဘာလုပ်ရဦးမလဲ ?

ခန္ဓာကိုယ်က ခံနိုင်တာထက် အရည်ကိုပိုထုတ်မိရင် အထက်ဖော်ပြပါ ဘေးထွက်ဆိုးကျိုးတွေ ပိုပြီးဖြစ်နိုင်ပါတယ်။ ပိုတက်ဆီယမ်ဓာတ် အလွန်များနေရင်လည်း ဓာတ်ပစ္စည်း အပြောင်းအလဲကြောင့် နှလုံးပုံမှန်အလုပ်မလုပ်ခြင်း ဖြစ်တတ်ပါတယ်။ ဒါကြောင့် ကျောက်ကပ်သွေးသန့်စင်ဖို့ လိုအပ်သူများဟာ အစားအသောက်ဆင်ခြင်ဖို့ ၊ အရည်လျှော့သောက်ဖို့နဲ့ လိုအပ်သလို ပုံမှန်သွေးသန့်စင်ဖို့ လိုအပ်ပါတယ်။

ကျောက်ကပ်အထူးကုဆရာဝန်နဲ့ ပုံမှန်ပြသပြီးလမ်းညွှန်ချက်များကို လိုက်နာသင့်ပါတယ်။ အစားအသောက်ကိုလည်း ဆားဓာတ်များသော ၊ ပိုတက်ဆီယမ်မြင့်သော၊ ဖော့စ်ဖရက်စ်ဓာတ်မြင့်သော အစားအစာတွေကို လျှော့ပြီး စားသုံးရပါမယ်။ အသားဓာတ်များတဲ့ အစားအစာတွေကို ပိုပြီး စားသုံးနိုင်ပါတယ် ။

” ကျောက်ကပ်ပျက်စီးသောလူနာများ စနစ်တကျကုသမှုခံယူပြီး ကျန်းမာသောဘဝများ ပိုင်ဆိုင်နိုင်ကြပါစေ​ “

Reference ????

Murtagh,J , 2016. Murtagh’s patient education. 6th Ed. Australia:Mcgraw-Hill Australia,pp. ( page 298 )

❤️ NUG, MOH တယ်လီကျန်းမာ ၊ လူတိုင်းအတွက်ပါ ❤️

???? တယ်လီကျန်းမာတွင် ဆရာဝန်များနှင့် အွန်လိုင်းမှ အခမဲ့တိုင်ပင်ဆွေးနွေးနိုင်ပါသည်

*** ပိတ်ရက်မရှိပါ ***

ကြိုတင်ဘိုကင်ယူရန်အတွက်( https://m.me/telehealthmm )ကို နှိပ်ပါ

( နေ့စဥ် မနက် ၈နာရီမှ ည၁၀နာရီအထိ )

#nugmoh#telehealth#telemedicine

#teleconsultation#တယ်လီကျန်းမာ

#dialysis#ကျောက်ကပ်ဆေးခြင်း

Ministry of Health,

National Unity Government.

Published on: 28 December 2022
Last Updated: 28 December 2022

ဆက်စပ်ရာ ကျန်းမာရေးဆောင်းပါးများ

ဒီနေ့ တစ်ရက်ပဲ ရှင်သန်ခွင့်ရတော့မယ်ဆိုရင် ဘာလုပ်မလဲ

ဒီမေးခွန်းကို ကိုယ့်ကိုယ်ကိုယ် ပြန်မေးကြည့်တဲ့အခါ ခေါင်းထဲမှာ ပေါ်လာတဲ့ အတွေးတွေ ဆန္ဒတွေကို တစ်ချက်လောက် သတိထားကြည့်ကြရအောင်။ မေးခွန်းက ကြောင်တောင်တောင်နိုင်နေမလား။ဝမ်းနည်းစရာ ကောင်းနေမလား။ဟာသတစ်ခု ဖြစ်နေမလား စတာတွေကို မစဉ်းစားဘဲ ရုတ်တရက်ပေါ်လာတဲ့ အတွေးပေါ်မှာပဲ အာရုံထားကြည့်ပါ။ သေချာပေါက်တော့ ဒီမေးခွန်းကို ကြားလိုက်ရင် လူအများစုရဲ့ ခေါင်းထဲမှာ ပေါ်လာတဲ့ အတွေးတွေက လုံးဝ...

မီးပိုးကောင်အန္တရာယ် Paederus Dermatitis

မြန်မာလို အများအားဖြင့် "မီးပိုးကောင်” လို့ ခေါ်ကြတဲ့ Rove beetle ခေါ် Paederus မျိုးနွယ်ဝင် အင်းဆက် တစ်မျိုးရဲ့အဆိပ်ဟာ လူရဲ့ ခန္ဓာကိုယ်အရေပြားကို ရောင်ရမ်းမှုတွေ ဖြစ်စေတတ်ပါတယ်။ ဒါကို မီးပိုးကောင်လောင်ခြင်း (Paederus dermatitis) လို့ ခေါ်ပါတယ်။ ဒီပိုးကောင်တွေဟာ ကိုက်တာ၊ တုပ်တာ...

စိတ်ကျန်းမာရေးအကူအညီများရယူဖို့

စိတ်ကျန်းမာရေးကုသမှုခံယူတာကို ရှက်စရာတစ်ခုလို့ မြင်နေကြတုန်းလား။ လူတိုင်းမှာ စိတ်ပူပန်မှု၊ စိတ်ဖိစီးမှု၊ ဝမ်းနည်းမှု၊ စိုးရိမ်မှုတွေ ရှိတတ်ပါတယ်။ မရှိမှတော့ လူသားရယ်လို့ ဘယ်ခေါ်နိုင်တော့မလဲနော်။ အနည်းဆုံးတော့ ဖြေရှင်းလို့မတတ်တော့တဲ့ ပြဿနာတွေ၊ ကိုယ့်အတွေးနဲ့ကိုယ် ဒုက္ခ‌ရောက်တာတွေ၊ ဒီနေ့ မနက်စာကို ဘာနဲ့စားခဲ့လဲဆိုတာတောင် ရုတ်တရက်စဉ်းစားလို့ မရတော့အောင် အလုပ်ရှုပ်နေသူတွေ၊ မွန်းကျပ်နေသူတွေ ရှိနေကြတာပဲ မဟုတ်လား။ တချို့က...

ကလေးငယ်များ သေဆုံးစေခဲ့သော အိန္ဒိယထုတ် ချောင်းဆိုးပျောက်ဆေးရည်၏ နောက်ဆက်တွဲ သတင်းအချက်အလက်များ

သတင်းအရင်းအမြစ်များစွာကို စိစစ်လေ့လာပြီးနောက် တယ်လီကျန်းမာအနေဖြင့် အောက်ဖော်ပြပါ အချက်အလက်များကို သိရှိခဲ့ရပါသည်။ အဆိုပါ ချောင်းဆိုးပျောက်ဆေးရည်ကြောင့် အနည်းဆုံး ကလေးငယ် ၁၁ ဦးအထိ သေဆုံးစေခဲ့ပါသည်။ ချောင်းဆိုးပျောက်ဆေးတွင် ပါဝင်သော အဆိပ်အတောက်ပစ္စည်းမှာ 48.6% diethylene glycol ဖြစ်ပြီး ကျောက်ကပ်ပျက်စီးရာမှတစ်ဆင့် ကလေးငယ်များ သေဆုံးခဲ့ခြင်းဖြစ်ပါသည်။ ချောင်းဆိုးပျောက်ဆေး၏အမည်မှာ "Coldrif" ဖြစ်ပြီး၊ Sresan...