ခြေဖနောင့်အတက်ထွက်ခြင်း(Heel Spur)
ခြေဖနောင့်အတက်ထွက်တယ်ဆိုတာခြေဖဝါးအရိုးအောက်မှာ ကယ်လ်ဆီယမ်လေးတွေစုပြီး အရိုးအတက်လေးထွက်လာတာပါ။ အရိုးအတက်ကလက်မဝက်လောက်အထိရှည်ထွက်နိုင်ပါတယ်။
လက္ခဏာများတွေအနေနဲ့ ခြေဖနောင့်အောက်နဲ့အနောက်မှာ…
– နာခြင်း
– ရောင်ခြင်း
– ခြေဖမိုးဖောင်းလာခြင်း
– နာ၊ရောင်နေသောနေရာပူနေခြင်း
– ခြေဖဝါးတစ်ခုလုံးနာနေခြင်း
– ဖနောင့်အနောက်(သို့)အောက်တွင်အတက်ကလေးစမ်းမိခြင်းတို့ ဖြစ်နိုင်ပါတယ်။
ခြေဖနောင့်အတက်က တစ်ခါတစ်ရံမှာ လက္ခဏာမပြဘဲလည်းရှိနေတတ်ပါတယ်။ ခြေဖနောင့်ခဏခဏနာနေရင် မပေါ့ဆသင့်ပါဘူး။ ဆရာဝန်နဲ့တိုင်ပင်ပြီးX ray ရိုက်ရင်တော့ မြင်ရနိုင်ပါတယ်။
…
…
“ ခြေဖနောင့်အတက်ထွက်စေသောအချက်များ”
ခြေဖနောင့်အတက်ထွက်တာက ခဏနဲ့ချက်ချင်းထဖြစ်တဲ့အခြေအနေမဟုတ်ပါဘူး။ ရေရှည်ကြွက်သားနဲ့အရွတ်တွေ ဒဏ်ပိခြင်း၊ ဒဏ်ရာရခြင်း၊ ခြေဖနောင့်ရိုး (Calcaneus)ကိုပါဒဏ်ပိလာခြင်း၊ ထိခိုက်မိခြင်းတို့ကြောင့်ဖြစ်လာတာပါ။
– မျက်နှာကြမ်းကြမ်းပေါ်မှာလမ်းလျှောက်ခြင်း၊ပြေးခြင်း၊ခုန်ခြင်း(အဖြစ်များဆုံးအကြောင်းရင်း)
– အဆစ်အမြစ်ရောင်ရောဂါရှိခြင်း
– ခြေဖနောင့်ပွန်းခြင်း
– ကိုယ်အလေးချိန်များခြင်း
– ကိုယ်နဲ့မတော်တဲ့ရှူးဖိနပ်တွေ၊သက်တောင့်သက်သာမဖြစ်တဲ့ဖိနပ်တွေ အမြဲဝတ်ဆင်မိခြင်း
– လမ်းလျောက်ပုံ မမှန်ခြင်း(တစ်ချို့ လေဖြတ်လူနာများ လမ်းလျှောက်ရာတွင် ခြေဖနောင့်ကိုအားစိုက်၍ လျောက်ရခြင်း)
– ဖိနပ်အရမ်းပါးတာတို့ကြောင့်လည်း ဖြစ်နိုင်ပါတယ်။
*ခြေဖဝါးအရွတ်မြှေးရောင်ရမ်းခြင်း (Plantar fasciitis)ဖြစ်တဲ့သူတော်တော်များများက ဖနောင့်အတက်ထွက်တတ်ပါတယ်။ အရင်ဆုံးနာပြီးလက္ခဏာပြတတ်ပါတယ်။ *
ခြေဖဝါးအရွတ်မြှေးရောင်ပြီးဖနောင့်အတက်ထွက်တတ်သူတွေကတော့…
– အသက်ကြီးသူများ
– ဆီးချိုရောဂါရှိသူများ
– ခြေဖဝါးပုံမမှန်ခြင်း(ပြားနေခြင်း၊အရမ်းခုံးနေခြင်း)တို့ပဲ ဖြစ်ပါတယ်။
…
…
ဘယ်လိုကုသနိုင်မလဲ?
အိမ်မှာဆိုရင် အနားယူပေးတာဟာ အနာသက်သာစေတဲ့အပြင်အခြေအနေပါပိုမဆိုးစေနိုင်ပါဘူး
ရေခဲကပ်ပေးပါ။ တစ်ခါကပ်ရင် (၁၅)မိနစ်စီ အရောင်ကျ၊ အနာကျအောင်ကပ်နိုင်ပါတယ်။
အနာသက်သာ၊ အရောင်လျော့စေတဲ့လိမ်းဆေး(ဥပမာ Diclofenac gel) လိမ်းပေးလို့ရပါတယ်။
အရမ်းနာနေရင်ဆရာဝန်ညွှန်ကြားသလိုအကိုက်အခဲပျောက်ဆေးသောက်နိုင်ပါတယ်။
အကြောလျှော့လေ့ကျင့်ခန်းတွေလုပ်ပေးပါ။
ကိုယ်အလေးချိန်လျော့ချခြင်းကလည်း အရိုးပေါ်ဝန်နည်းစေလို့ နာတာပါသက်သာစေနိုင်ပါတယ်။
ဖိနပ်ကိုကူရှင်ခံစီးပါ။
မသက်သာပဲပြင်းထန်တဲ့လူနာတွေမှာဆိုရင်တော့ အရောင်ကျဆေးထိုးခြင်းနဲ့ ခွဲစိတ်တာအထိ လုပ်ကြရပါတယ်။
…
…
ဘယ်လိုကာကွယ်ကြမလဲ?
လမ်းလျောက်ခြင်း၊ ပြေးခြင်းလိုလှုပ်ရှားများတွေ ကြာကြာလုပ်ပြီးရင် အနားယူပေးပါ။ ဖြေဖဝါးကိုဒဏ်မပိပါစေနဲ့။ နာလာပြီးဆိုလျှင်ရေခဲကပ်၊အနားယူခြင်းပြုလုပ်ပြီး ကောင်းသွားမှပြန်လှုပ်ရှားပေးပါ။
ကိုယ်အလေးချိန်ထိန်းပေးပါ
( ခြေဖဝါးတင်မက ဒူးအရိုးအဆစ်များ အတွက်လည်းဝန်လျော့စေပါတယ် )
သက်တောင့်သက်သာဖြစ်စေသော ဖိနပ်စီးပေးခြင်းဖြင့် ခြေဖနောင့်အတက်မထွက်အောင် ကာကွယ်နိုင်ပါတယ်။
Reference
https://www.webmd.com
https://www.healthline.com
NUG, MOH တယ်လီကျန်းမာ ၊ လူတိုင်းအတွက်ပါ
တယ်လီကျန်းမာတွင် ဆရာဝန်များနှင့် အွန်လိုင်းမှ အခမဲ့တိုင်ပင်ဆွေးနွေးနိုင်ပါသည်
*** ပိတ်ရက်မရှိပါ ***
ကြိုတင်ဘိုကင်ယူရန်အတွက်( https://m.me/telehealthmm )ကို နှိပ်ပါ
( နေ့စဉ် မနက် ၈နာရီမှ ည၁၀နာရီအထိ )
#nugmoh#telehealth#telemedicine
#teleconsultation#တယ်လီကျန်းမာ
#heel#spur#ခြေဖနောင့်အတက်ထွက်ခြင်း
Ministry of Health,
National Unity Government.
Published on: 6 December 2022
Last Updated: 6 December 2022