” မူးယစ်ဆေးဝါးကို သွေးကြောထဲ ထိုးသွင်းသုံးစွဲခြင်း၏ နောက်ဆက်တွဲ ဆိုးကျိုးများ “
( Complications of IVDU )
မြန်မာနိုင်ငံမှာ အသုံးများတဲ့ ဆေးအလွဲသုံးမှုတွေအနေနဲ့…
– မော်ဖင်း (Morphine)
– ပသဒင်း (Pethidine)
– ကိုဒီရင်း (Codeine)
– အိပ်ဆေးများ ( Diazepam )
– ဆေးခြောက် (Marijuana ( Cannabis ))
– အမ်ဖက်တမင်း ( Amphetamine ( WY tablets, Cocaine, Ecstasy tablets ))
– အရက်နှင့် ဆေးရွက်ကြီး…စတာတွေကို တွေ့ရပါတယ်။
.
မူးယစ်ဆေး သွေးကြောထဲ ထိုးသွင်းသုံးစွဲတာများလာတဲ့အခါ….
(၁) ထိုးတဲ့နေရာမှာ…
– သွေးကြောများရောင်ရမ်းခြင်း
– တစ်ရှုးများ ရောင်ရမ်းခြင်း
– ပြန်ရည်ကြောများ ရောင်ရမ်းနိုင်ခြင်း
– တစ်ရှူးများ ပုပ်ခြင်း
– အရိုးနဲ့ကြွက်သားများ ရောင်ရမ်းခြင်းတို့ ဖြစ်နိုင်ပါတယ်။
.
(၂) တခြား ခန္ဓာကိုယ်အစိတ်အပိုင်းတွေမှာတော့…
– သွေးမှတစ်ဆင့် ကူးစက်နိုင်သောရောဂါများ ဖြစ်ခြင်း ( HIV ၊ အသည်းရောင်အသားဝါ စီ ပိုး၊ အသည်းရောင်အသားဝါ ဘီ ပိုး၊ ဆစ်ဖလစ် နဲ့ ငှက်ဖျားရောဂါ )
– သွေးအဆိပ်တက်ခြင်း
– နှလုံးပိုးဝင်ခြင်း
– အသည်း၊ ဦးနှောက်၊ ဘေလုံးတို့တွင် ပြည်တည်နာ ဖြစ်ခြင်း
– ကျောက်ကပ်ရောင်ပြီး အသားဓာတ်ဆုံးရှုံးနိုင်ခြင်း
– အသက်ရှုရခက်ခြင်း (ဒါမှမဟုတ်) အသက်ရှုရပ်ခြင်း
– အဆုတ်ထဲရေဝင်ခြင်းတို့ ဖြစ်နိုင်ပါတယ်။
.
(၃) ဒါ့အပြင် စိတ်ကျန်းမာရေးအနေနဲ့လည်း
– စိုးရိမ်ပူပန်မှုများလာခြင်း
– ဆေးမသုံးရပါက အလိုလိုနေရင်းစိတ်တိုလာခြင်း
– စိတ်ဓာတ်ကျခြင်း
– ညဘက် အိပ်မပျော်ဖြစ်ခြင်း၊ အိပ်ချိန် မမှန်လာခြင်း စတာတွေကို ခံစားလာရနိုင်ပါတယ်။
.
(၄) ဆေးဖြတ်တဲ့အခါမှာတော့…
– အလိုလိုနေရင်း စိတ်တို၊ စိတ်ဆတ်နေခြင်း
– ချွေးအရမ်းထွက်ခြင်း
– ဂဏာမငြိမ်ဖြစ်ခြင်း
– မျက်လုံး အဆံ ကျယ်နေခြင်း
– အမွှေး၊ အမျှင်များထောင်ခြင်း
– ဗိုက်အောင့်ခြင်း
– ဝမ်းသွားခြင်း
– အန်ခြင်း…… စတာတွေဖြစ်နိုင်ပါတယ်။
.
(၅) လူမှုပတ်ဝန်းကျင်မှာလည်း
– မိဘ၊ မိတ်ဆွေ၊ မိသားစုဝင်တွေနဲ့ ရန်ဖြစ်စကားများရတာ
– မိမိကိုယ်ကို ထိန်းချုပ်နိုင်စွမ်းမရှိတော့တာ
– အလုပ်မှာ အာရုံစူးစိုက်မှု အားနည်းလာပြီး အလုပ်ပျက်လာတာ
– ပြစ်မှုကျူးလွန်ဖို့ ရဲတင်းလာတာ
– မိသားစု နဲ့ လူ့ပတ်ဝန်းကျင်အတွက် ဝန်ထုပ်ဝန်ပိုး ဖြစ်စေလာတာ
– လူ့ပတ်ဝန်းကျင်မှာ ဝင်မဆံ့တော့တာ စတာမျိုးတွေဖြစ်လာနိုင်ပါတယ်။
..
..
နိဂုံးချုပ်အနေနဲ့ကတော့…
*** မူးယစ်ဆေးဆိုတာ အန္တရာယ်ပါ။ တစ်ဘဝလုံးကို အဆိုးဆုံးဖြစ်အောင် လုပ်နိုင်တဲ့ မူးယစ်ဆေးရဲ့သားကောင်တွေအဖြစ် မရောက်ကြပါစေနဲ့။ မူးယစ်နွံ နစ်နေသူတွေလည်း အမြန်ဆုံး ပြန်လည်လွတ်မြောက်နိုင်ကြပါစေလို့ ဆုတောင်းပေးလိုက်ပါတယ် ***
Reference : 
– Therapeutic Manual of Internal Medicine, 1st Edition 2016 ( Page 399 )
– Davidson’s Principles and Practice of Medicine 24th Edition ( Page 1240, 1250 )
NUG, MOH တယ်လီကျန်းမာ ၊ လူတိုင်းအတွက်ပါ
တယ်လီကျန်းမာတွင် ဆရာဝန်များနှင့် အွန်လိုင်းမှ အခမဲ့တိုင်ပင်ဆွေးနွေးနိုင်ပါသည်
*** ပိတ်ရက်မရှိပါ ***
ကြိုတင်ဘိုကင်ယူရန်အတွက်( https://m.me/telehealthmm )ကို နှိပ်ပါ
( နေ့စဥ် မနက် ၈နာရီမှ ည၁၀နာရီအထိ )
#nugmoh#telehealth#telemedicine
#teleconsultation#တယ်လီကျန်းမာ
#IVDU#မူးယစ်ဆေးသွေးကြောထဲထိုးသွင်းခြင်း
Ministry of Health,
Published on: 29 January 2023
Last Updated: 29 January 2023