စအိုကွဲနာဆိုတာ စအိုဝအရေပြားလေးကွဲပြီး ဝမ်းသွားရင် အရမ်းနာတဲ့ ပြဿနာပါ။ အသက်အရွယ်မရွေး ဖြစ်တတ်ပြီး
အထူးသဖြင့် အမျိုးသမီးနဲ့ ကလေးငယ်တွေမှာ ပိုဖြစ်တတ်ပါတယ်။
???? ရောဂါလက္ခဏာများ
- ဝမ်းသွားတဲ့အချိန် အရေပြားကို ဆွဲဖြဲလိုက်သလို နာပါတယ်၊ သွေးနည်းနည်းထွက်နိုင်ပါတယ် (အတွင်းခံဘောင်းဘီမှာ သွေးနည်းနည်းပေနေတာမျိုး၊ အိမ်သာသုံးစက္ကူမှာ သွေးပေလာတာမျိုး မြင်ရနိုင်ပါတယ်)
- ကြမ်းမာမာပေါ်မှာထိုင်ရင် စအိုနေရာမှာ သရိုးသရီနဲ့ ထိုင်ရအဆင်မပြေဖြစ်နိုင်ပါတယ်
- မိနစ်ပိုင်းကနေ နာရီပိုင်းလောက်အထိ နာတဲ့အချိန် ကြာနိုင်ပါတယ်
❓ ဘာကြောင့်ဖြစ်တာလဲ
- ဝမ်းမာမာသွားတဲ့အခါ စအိုဝအရေပြားပါးပါးလေးကို ခွဲလိုက်သလိုဖြစ်ပြီး ကွဲကြောင်းလေး စပေါ်လာပါတယ်။
- ဝမ်းသွားတိုင်း စမြင်းတုံးတွေက ပထမကွဲထားတဲ့နေရာကို ပွတ်ဆွဲသွားသလိုဖြစ်ရာကနေ နာတာဖြစ်ပါတယ်။
❓ ဘယ်သူတွေမှာ ဖြစ်တတ်လဲ
- ဝမ်းချုပ်တတ်သူတွေ
- ပုံမှန်မွေးလမ်းကြောင်းကနေ ကလေးများများမွေးထားတဲ့သူတွေ
- Crohn’s disease လို့ခေါ်တဲ့ အူလမ်းကြောင်းမှာ ပြဿနာရှိသူတွေ
???? ကုသနည်းများ
အရမ်းမဆိုးရင် (၁) လလောက်နဲ့ သက်သာသွားတတ်ပါတယ်။
- ဝမ်းမသွားခင် စအိုဝကို Vaseline / zinc oxide ခရင် (မ်) အရင်လိမ်းပါ။
- အရမ်းဆိုးရင် ဆရာဝန်က ထုံဆေးနည်းနည်းပါတဲ့ လိမ်းဆေး ပေးပါလိမ့်မယ်။
- ပါရာစီတမောလို အကိုက်အခဲပျောက်ဆေး သောက်ပါ။
- ဝမ်းသွားပြီးရင် ဂွမ်းလုံးလေးကို ရေနွေးနွေးစွတ်ပြီး စအိုဝကို သန့်ရှင်းရေးလုပ်ပါ။
- ဖန်ရည်ဆေးပါ (ရေခပ်နွေးနွေးထဲမှာ ဆားနည်းနည်းထည့်ပြီး တစ်ခါထိုင်ရင် မိနစ် ၂၀ နဲ့ တစ်နေ့ ၂ ကြိမ် ထိုင်ပါ)
???? ခွဲစိတ်ကုသခြင်း
- အထက်ကနည်းတွေနဲ့ မသက်သာရင် ခွဲစိတ်ဆရာဝန်နဲ့ တိုင်ပင်ပါ။
- ခွဲစိတ်မှု အကြီးစားမဟုတ်ပါဘူး။
- ဖြစ်တဲ့ နေရာနားတဝိုက်ကို ထုံဆေးထိုးပြီး စအိုဝကြွက်သားကို အနည်းငယ်ခွဲစိတ်လိုက်တာပါ။
???? ဘယ်လိုကာကွယ်ရမလဲ ?
- ဝမ်းမချုပ်ပါစေနဲ့။ အမြဲတမ်း ဝမ်းပျော့ပျော့သွားပါစေ။
- ရေများများသောက်ပါ။
- ကိုယ်လက်လှုပ်ရှားလေ့ကျင့်ခန်း ပုံမှန်လုပ်ပါ။
- အသီးအနှံ၊ ဟင်းသီးဟင်းရွက် များများစားပါ။
- လိုအပ်လျှင် ဝမ်းပျော့ဆေးသုံးပါ (ဝမ်းနုတ်ဆေးမဟုတ်ပါဘူး)
Reference:
John Murtagh’s Patient Education, six edition: Anal fissure
❤️ NUG, MOH တယ်လီကျန်းမာ … လူတိုင်းအတွက်ပါ ❤️
???? တယ်လီကျန်းမာတွင် ဆရာဝန်များနှင့် အွန်လိုင်းမှ အခမဲ့တိုင်ပင်ဆွေးနွေးနိုင်ပါသည်
*** ပိတ်ရက်မရှိပါ ***
ကြိုတင်ဘိုကင်ယူရန်အတွက်( https://m.me/telehealthmm )ကို နှိပ်ပါ
( နေ့စဥ် မနက် ၈နာရီမှ ည၁၀နာရီအထိ )
Ministry of Health,
National Unity Government.
