သတင်းအရင်းအမြစ်များစွာကို စိစစ်လေ့လာပြီးနောက် တယ်လီကျန်းမာအနေဖြင့် အောက်ဖော်ပြပါ အချက်အလက်များကို သိရှိခဲ့ရပါသည်။
- အဆိုပါ ချောင်းဆိုးပျောက်ဆေးရည်ကြောင့် အနည်းဆုံး ကလေးငယ် ၁၁ ဦးအထိ သေဆုံးစေခဲ့ပါသည်။
- ချောင်းဆိုးပျောက်ဆေးတွင် ပါဝင်သော အဆိပ်အတောက်ပစ္စည်းမှာ 48.6% diethylene glycol ဖြစ်ပြီး ကျောက်ကပ်ပျက်စီးရာမှတစ်ဆင့် ကလေးငယ်များ သေဆုံးခဲ့ခြင်းဖြစ်ပါသည်။
- ချောင်းဆိုးပျောက်ဆေး၏အမည်မှာ “ Coldrif” ဖြစ်ပြီး၊ Sresan Pharmaceuticals က ထုတ်လုပ်ကာ Kayson Pharma က တင်သွင်းဖြန့်ဖြူးပါသည်။
- လက်ရှိတွင် အဆိုပါကုမ္ပဏီက ဖြန့်ဖြူးသော (အခြား) ဆေးရည်များအားလုံးကို ဈေးကွက်အတွင်း ရောင်းချခြင်း ပိတ်ပင်ထားပြီး စိစစ်မှုများ ဆက်လက်လုပ်ဆောင်နေပါသည်။
ကိုးကား >>> The Economic Times, AI Zazeera, The Hindu, NDTV, Indian Express, Deccan Herald, Times of India
…
…
ကဲ… တယ်လီကျန်းမာက ဟိုနေ့ကပြောထားတဲ့အတိုင်း အခုရက်ပိုင်းအတွင်း အိန္ဒိယကထုတ်တဲ့ ချောင်းဆိုးပျောက်ဆေးရည်ဆို သတိထားပြီး ရှောင်ပေးကြပါနော်။
လူတော်တော်များများက ဘာတံဆိပ်လဲဆိုတာကိုပဲ ဦးစားပေး သိချင်နေကြတာပါ။ ဒါပေမယ့် ဘာတံဆိပ်လဲဆိုတာထက် အချို့ကိစ္စတွေက ပိုအရေးကြီးပါတယ်။
လက်ရှိ သက်ဆိုင်ရာတာဝန်ရှိသူတွေ ထိန်းချုပ်ကိုင်တွယ်နေသလိုမျိုး… ဒီကုမ္ပဏီကထွက်တဲ့ ဆေးရည်အားလုံးကို ပြန်လည်စိစစ်နေတာမျိုးက သဘာဝကျပါတယ်။
- ဘာလို့ ဒီလိုအဆိပ်အတောက်ပစ္စည်းက ဒီဆေးရည်ထဲမှာ ပါဝင်နေတာလဲ
- ဒီကုမ္ပဏီကဖြန့်ဖြူးတဲ့ အခြားသောဆေးရည်တွေထဲမှာလည်း ဒီပစ္စည်း ပါဝင်နေနိုင်လား
ဒါတွေ သေချာအချိန်ယူ စိစစ်ရမှာပါ။
ဒါကြောင့်
ဘာဆေးပဲသောက်သောက် နားလည်တတ်ကျွမ်းသူ ဆရာဝန်များရဲ့ အကြံဉာဏ်ကို ရယူပါ။ လိုအပ်ရင် တယ်လီကျန်းမာရဲ့ messenger ကိုလည်း လာမေးလို့ ရပါတယ်။
(အခုတောင် ချောင်းဆိုးပျောက်ဆေးဘူးတွေ ဓာတ်ပုံရိုက်ပြီး လာလာမေးနေကြလွန်းလို့ ဖြေပေးရတဲ့ ဆရာ၊ ဆရာမလေးတွေ တော်တော်အလုပ်ရှုပ်နေတယ် ကြားပါတယ် 😅)
အလုပ်ရှုပ်ပေမယ့် အများပြည်သူအတွက်ဆို ကြိုးစားလို့ ဖြေပေးနေမှာပါနော်…။
❤️ ချစ်တဲ့ … တယ်လီကျန်းမာ ❤️
(ကြင်စိုး မပါ)
..
..
👉တယ်လီကျန်းမာတွင် ဆရာဝန်များနှင့် အွန်လိုင်းမှတစ်ဆင့် အခမဲ့ (အခမဲ့) တိုင်ပင်ဆွေးနွေးနိုင်ပါသည်။
*** ပိတ်ရက်မရှိပါ ***
ကြိုတင်ဘိုကင်ယူရန်အတွက် တယ်လီကျန်းမာ messenger ကို ဆက်သွယ်ပါ။
(နေ့စဥ် မနက် ၈ နာရီမှ ည ၁၀ နာရီအထိ)
…
…
👉 စိတ်ပိုင်းဆိုင်ရာ ဆွေးနွေးရင်ဖွင့်လိုသူများအတွက်….
မိမိကိုယ်ကိုသေကြောင်းကြံစည်မှု လုံးဝမရှိစေရ
Zero Suicide Hotline သို့ ဆက်သွယ်ရန်
(မနက် (၈) နာရီမှ နေ့လယ် (၁၂) နာရီ
ညနေ (၆) နာရီမှ ည (၁၀) နာရီအတွင်း)
*** မိနစ်ပိုင်းအတွင်း စာမပြန်ပါက “ /start” ဆိုသည်ကို ထပ်မံနှိပ်ပေးရန် လိုအပ်ပါသည် ***
Ministry of Health,
National Unity Government.
