လူတိုင်းဖတ်သင့်သော
Occupational Hazard လုပ်ငန်းခွင် ထိခိုက်မှု အန္တရာယ်အကြောင်းလေးပါ…
မြန်မာပြည် လို နေရာမှာ Occupational Hazards (OH) ကို တာဝန်ခံမှု နည်းပါးတာကြောင့် ကိုယ်တိုင် ကိုယ့်ဘာသာ သတိထားပြီး အန္တရာယ်နည်းအောင်နေသင့်ပါတယ်…
OH ဆိုတာ မိမိ လုပ်ငန်းခွင်အတွင်း ပုံမှန်မဟုတ်သော …. လုပ်ငန်းခွင်ကြောင့် ထိခိုက်မှု မှန်သမျှ သတ်မှတ်ပါတယ်
ကျွန်မက အရေးပေါ် ခန်း ဆရာဝန်အနေနဲ့ တာဝန် ၁နှစ်နီးပါး ထမ်းဆောင်ချိန် … လုပ်ငန်း အန္တရာယ်နဲ့ ပတ်သက်ပြီး နေ့တိုင်းလိုလာကြရပါတယ်
မီးကြိုးပြင်ရင် ဓာတ်လိုက်ပြီး အမြင့်ပေါ်က ပြုတ်ကျပြီး ဒဏ်ရာရတာမျိုး….
ရေခဲစက်မှာ အလုပ်သမား ခြေချော်ပြီးရေခဲစက်ထဲဝင်ပြီး သေဆုံးတာမျိုးဆို တွေ့ခဲ့ရတာ …
ကိုယ်တိုင်လည်း အလောင်း စစ်ဆေး ခွဲစိတ်ခဲ့ရတာမို့…. OH က အရမ်းကြောက်ဖို့ကောင်းပါတယ်
OH လုပ်ငန်းခွင် ထိခိုက်မှု အန္တရယ် ကို ပုံမှန် (၆) မျိုး သတ်မှတ်ပါတယ်
1. Safety – အန္တရာယ်ရှိသော လုပ်ခန်းခွင်ပါ
အမြင့်နေရာမျိုး … ထက်သော ဓားသွားရှိသော စက်မျိုး … ရှိသောနေရာပါ
2. Chemical -ဓာတုပစ္စည်းတွေနဲ့ အလုပ်လုပ်ရသောနေရာပါ …
ဥပမာ – ပိုးသတ်ဆေး ၊ အက်စစ်၊ မီးခိုးငွေ့ မျိုးနဲ့အလုပ်လုပ်ရတဲ့စက်ရုံမျိုးပါ
3. Biological – သက်ရှိ တိရစ္တာန် ၊ ဆေးရုံလူနာနဲ့ အလုပ်လုပ်ရတဲ့နေရာမျိုးပါ …
ဥပမာ- နွားခြံ၊ကြက်ခြံ၊ ဆေးရုံ၊ တိရစ္ဆာန်ဆေးကုခန်း
4. Physical – သူက safety လို အလုပ်သမားအပေါ် တိုက်ရိုက်သက်ရောက်တာမျိုး မဟုတ်ဘဲ တဆင့် အန္တရာယ်ပေးတာမျိုးပါ …
ဥပမာ- ဓာတ်ရောင်ခြည်သင့်စေသော နေရာမျိုး ၊ နေပူထဲ အကြာကြီးနေရတာမျိုး ၊ ကျယ်လွန်းသောအသံရှိသောနေရာမျိုးပါ
5. Ergonomic- ဖိအားတစ်ခုဟာ အချိန်တစ်ခုထိ ဖိစီးစေတာမျိုး
ပြောရရင် တနေကုန် ထိုင်နေတာ မတ်တပ်ရပ်ရတာ ပြီးတော့ Position တခုထဲ ကြိမ်ဖန်များစွာလုပ်ရတာ သက်တောင့်သက်သာမဖြစ်စေတာမျိုးက ရေရှည် ထိခိုက်ဒဏ်ရာရတာ နာတာရှည်ဖြစ်တက်ပါတယ်
6. Work organization hazard – လုပ်ငန်းခွင် အနိုင်ကျင့် စော်ကားတာ…
လိင်ပိုင်းဆိုင်ရာ အမြတ်ထုတ်တာ… မိမိကို မလေးမစားဆက်ဆံတာ… ဒီလိုမျိုး အချိန် အတိုင်းအတာတစ်ခုအထိ ခံစားလာရရင် စိတ်ပိုင်းဆိုင်ရာ ရုပ်ပိုင်းဆိုင်ရာ ကျန်းမာရေး ထိခိုက်လာပါတယ်
အပေါ်မှာပြောခဲ့တဲ့ OH ကာကွယ်ဖို့ဆို ….
– မိမိ လုပ်ငန်းခွင်မှာ လိုအပ်သော ကာကွယ်ပစ္စည်းကို လုပ်ငန်းရှင်ဆီကတောင်းပါ စနစ်တကျသုံးပါ
– မိမိ လုပ်ငန်းခွင် အန္တရာယ်ကို မိမိကိုယ်တိုင်သေချာ နားလည်ပြီး စနစ်တကျကာကွယ်ပါ
ဥပမာ – အမြင့်တက်မယ်ဆို ခါး ကြိုးချိတ်တာ ဦးခေါင်းကာကွယ် ဦးထုပ် (Helmet) ဆောင်းတာ….
– ပိုးသတ်ဆေး ပေါင်းသတ်ဆေး ကိုင်မယ်ဆို လက်အိတ် ဖိနပ်ရှည် သေချာဝတ်တာ သင့်တော်သော မျက်နှာ နှာခေါင်း ပါးစပ် အကာ (mask/ face shield) တက်တာမျိုးလုပ်ပေးရပါမယ်….
– တိရစ္ဆာန်ကိုင်ရမယ်ဆို သင့်တော်သော ကာကွယ်မှု ဝတ်ဆင်ရုံမက မေးခိုင်ကာကွယ်ဆေး ခွေးရူးပြန်ကာကွယ်ဆေး စနစ်တကျထိုးထားရပါမယ်…
– မိမိအလုပ်က အထိုင်များတဲ့ အလုပ်ဆို ၁-၂ နာရီလောက်နေရင် လမ်းထလျှောက်ပေးတာ အိမ်သာသွားပေးမျိုးလုပ်ပေးပါ
– Computer တစ်လျှောက်လုံးကြည့်ရရင် မျက်လုံးကို ခဏအနားပေးတာ၊ မျက်စိလေ့ကျင့်ခန်းလုပ်တာ၊ လိုအပ်ရင် မျက်စဉ်းခပ်တာမျိုးလုပ်ပေးရပါမယ်။
လုပ်ငန်းခွင် အနိုင်ကျင့်တာမျိုးရှိရင် သက်ဆိုင်ရာ HR ဌာနကို တင်ပြပြီးတိုင်လို့ရသလို သက်ဆိုင်ရာ ဝန်ကြီးဌာနထိ တိုင်ပါ ( Bullying in workplace ဆိုပြီး တယ်လီကျန်းမာမှာ အသေးစိတ် ရေးသားဖော်ပြ Post တင်ပေးထားပါတယ်)
OH က နောက်ပိုင်းမှာ အဖြစ်များသော Case တွေ စာရင်းကောက်ပြီး သက်ဆိုင်ရာဝန်ကြီးဌာနထိ ထိရောက်စွာ စည်းကမ်းချမှတ်တာ အရေးယူတာ တာဝန်ယူတာမျိုးထိ လုပ်ပေးသင့်ပါတယ်
ကျွန်မတို့ရဲ့ လက်ရှိ မြန်မာပြည်အခြေအနေအရတော့ ကိုယ့်လုပ်ငန်းခွင်မှာ ဘာအန္တရာယ်ရှိလည်း ကိုယ့်ဘာသာ လေ့လာပါ၊ သုံးသပ်ပါ၊ လိုအပ်တဲ့ပြင်ဆင်မှုတွေကို အထက်လူကြီး သို့ အလုပ်ရှင်ကို တင်ပြပြီး သေချာကာကွယ်ဖို့ပဲ ပြင်ဆင်ကြရပါမယ်နော်။
Dr.Cool
Telekyanmar
Ref: https: //www. webmd. com/a-to-z-guides/occupational-hazards
NUG, MOH…တယ်လီကျန်းမာ ၊ လူတိုင်းအတွက်ပါ
ကုသမှုအားလုံး အခမဲ့ (အခမဲ့) ဖြစ်ပါသည်
တယ်လီကျန်းမာ အခမဲ့အွန်လိုင်းဆေးခန်းများ ပြသရန် ( နေ့စဉ် မနက် ၈ နာရီမှ ညနေ ၈ နာရီအထိ )
ကြိုတင်ဘိုကင်ယူရန်အတွက် ( https://m.me/telehealthmm )ကိုနှိပ်ပါ
#nugmoh#telehealth#telemedicine
#teleconsultation#တယ်လီကျန်းမာ
#Occupational_Hazard
Ministry of Health,
National Unity Government.
Published on: 20 February 2023
Last Updated: 20 February 2023