ရေနွေးသောက်ခြင်းဆိုင်ရာ အယူအဆအလွဲများနှင့် အမှန်တရား
❌ အယူအဆလွဲ >>> ရေနွေးပူပူလေး သောက်လိုက်ရင် အစာအိမ်နဲ့ အူလမ်းကြောင်းထဲက အဆီခဲတွေ အရည်ပျော်ပြီး ဝိတ်ကျသွားမယ်။
☑️ အမှန် >>> ရေနွေးက ပန်းကန်ဆေးသလိုမျိုး ခန္ဓာကိုယ်ထဲက အဆီတွေကို တိုက်ရိုက် အရည်ပျော်ကျစေတာ မဟုတ်ပါဘူး။ ဒါပေမယ့် ရေနွေး (သို့) ရေနွေးနွေးသောက်ခြင်းက ခန္ဓာကိုယ်ရဲ့ ဇီဝကမ္မဖြစ်စဉ် (Metabolism) ကို ခဏတာ မြှင့်တင်ပေးနိုင်လို့ ကယ်လိုရီလောင်ကျွမ်းမှုကို အနည်းငယ် အထောက်အကူပြုတာတော့ မှန်ပါတယ်။
တကယ့်တကယ် ဝိတ်ကျဖို့ကတော့ အစားအသောက် မျှတစွာစားခြင်းနဲ့ ကိုယ်လက်လှုပ်ရှားမှု လုပ်ခြင်းကသာ အဓိကပါ။
…
…
❌ အယူအဆလွဲ >>> ရေနွေးသောက်တယ်ဆိုတာ တစ်ငွေ့ငွေ့နဲ့ ပူလောင်နေမှ ဆေးဖက်ဝင်တယ်၊ ပိုပြီး အာနိသင်ရှိတယ်။
☑️ အမှန် >>> အရမ်းပူလွန်းတဲ့ ရေနွေး (ဥပမာ – 65°C အထက်) ကို အမြဲတမ်း သောက်တာက လျှာနဲ့ ခံတွင်းကိုတင် မဟုတ်ဘဲ အစာရေမျိုပြွန် (Esophagus) ရဲ့ အတွင်းပိုင်း နံရံဆဲလ်တွေကို ထိခိုက်ပျက်စီးစေပါတယ်။
ဒါက ရေရှည်မှာ အစာရေမျိုပြွန် ကင်ဆာဖြစ်နိုင်ခြေကို ပိုပြီးမြင့်တက်စေနိုင်လို့ ရေနွေးပူပူကြီးထက် ခန္ဓာကိုယ်အပူချိန်နဲ့ သင့်တော်တဲ့ ရေနွေးနွေးလေးကိုပဲ ရွေးချယ်သောက်သင့်ပါတယ်။
…
…
❌ အယူအဆလွဲ >>> ရေနွေးသောက်မှပဲ Detox ဖြစ်ပြီး ခန္ဓာကိုယ်ထဲက အဆိပ်တွေ အကုန်စင်သွားမယ်။
☑️ အမှန် >>> ခန္ဓာကိုယ်ရဲ့ အဆိပ်အတောက်တွေကို ဖယ်ရှားပေးတဲ့ အဓိက အစိတ်အပိုင်းတွေက အသည်းနဲ့ ကျောက်ကပ် ဖြစ်ပါတယ်။
ရေနွေးဖြစ်ဖြစ်၊ ရေအေးဖြစ်ဖြစ် ခန္ဓာကိုယ်ထဲမှာ ရေဓာတ်ပြည့်ဝနေအောင် သောက်ပေးဖို့ကသာ အဓိကပါ။ ရေဓာတ်ပြည့်ဝမှ ကျောက်ကပ်နဲ့ အသည်းက အလုပ်ကောင်းကောင်း လုပ်နိုင်ပြီး အဆိပ်အတောက်တွေကို ဆီး၊ ချွေးတို့ကနေတစ်ဆင့် သဘာဝအတိုင်း စွန့်ထုတ်ပေးတာ ဖြစ်ပါတယ်။
ရေနွေးမှ သီးသန့် Detox လုပ်ပေးနိုင်တာမျိုး မဟုတ်ပါဘူး။
…
…
အနှစ်ချုပ်အားဖြင့်
ရေနွေးနွေးလေး သောက်တာက လည်ချောင်းနာတာ သက်သာစေတယ်၊ ကြွက်သားတွေကို ပြေလျော့စေတယ်၊ အစာခြေစနစ်ကို အထောက်အကူပြုစေတယ်ဆိုတာ မှန်ပေမယ့် အရမ်းပူလွန်းတဲ့ ရေမဖြစ်ဖို့နဲ့ ရေဓာတ်ပြည့်ဝဖို့ကသာ အရေးကြီးတာဖြစ်ပါတယ်။ 🙏
..
..
❤️NUG, MOH တယ်လီကျန်းမာ၊ လူတိုင်းအတွက်ပါ ❤️
👉တယ်လီကျန်းမာတွင် ဆရာဝန်များနှင့် အွန်လိုင်းမှတစ်ဆင့် အခမဲ့ (အခမဲ့) တိုင်ပင်ဆွေးနွေးနိုင်ပါသည်။
*** ပိတ်ရက်မရှိပါ ***
ကြိုတင်ဘိုကင်ယူရန်အတွက် တယ်လီကျန်းမာ messenger ကို ဆက်သွယ်ပါ။
(နေ့စဥ် မနက် ၈ နာရီမှ ည ၁၀ နာရီအထိ)
…
…
👉 စိတ်ပိုင်းဆိုင်ရာ ဆွေးနွေးရင်ဖွင့်လိုသူများအတွက်….
မိမိကိုယ်ကိုသေကြောင်းကြံစည်မှု လုံးဝမရှိစေရ
Zero Suicide Hotline သို့ ဆက်သွယ်ရန်
(မနက် (၈) နာရီမှ နေ့လယ် (၁၂) နာရီ
ညနေ (၆) နာရီမှ ည (၁၀) နာရီအတွင်း)
*** မိနစ်ပိုင်းအတွင်း စာမပြန်ပါက “/start” ဆိုသည်ကို ထပ်မံနှိပ်ပေးရန် လိုအပ်ပါသည် ***
Ministry of Health,
National Unity Government.
