“ စိတ်ကျန်းမာရေးနဲ့ ပတ်သက်တဲ့ တွေ့ရများသော အယူအဆအလွဲများ”
၁။ စိတ်ကျရောဂါ (Depression) နှင့် ပတ်သက်၍ . . .
အယူအဆအလွဲ ❌ စိတ်ကျရောဂါဆိုတာ စိတ်အားငယ်တာ၊ ဝမ်းနည်းတာပဲ။ ကိုယ့်ဘာသာ စိတ်တင်းထားရင် ပျောက်သွားမှာပါ။
အမှန် ✅ စိတ်ကျရောဂါဟာ စိတ်ဓာတ်ပျော့ညံ့ခြင်းမဟုတ်ဘဲ ဦးနှောက်အတွင်းက ဓာတုဗေဒပစ္စည်း မမျှတမှုကြောင့်ဖြစ်ရတဲ့ ကျန်းမာရေးပြဿနာတစ်ခုပါ။ “ အားတင်းထားပါ” လို့ ပြောရုံနဲ့ မသက်သာနိုင်ဘဲ ကျွမ်းကျင်သူနဲ့ပြသဖို့ လိုအပ်ပါတယ်။
.
၂။ စိတ်ကျန်းမာရေးအတွက် ဆေးခန်းပြခြင်းနှင့် ပတ်သက်၍ . . .
အယူအဆအလွဲ ❌ စိတ်ကျန်းမာရေး အကူအညီယူတယ်၊ ဆရာဝန်ပြတယ်ဆိုရင် အဲဒီလူက “ ရူးနေတာ” ဖြစ်မယ်။
အမှန် ✅ ကိုယ်လက်မအီမသာဖြစ်ရင် ဆေးခန်းပြသလိုပဲ စိတ်ပိုင်းဆိုင်ရာ ပင်ပန်းနွမ်းနယ်တာ၊ စိုးရိမ်ပူပန်တာတွေအတွက် အကူအညီရယူခြင်းဟာ မိမိကိုယ်ကိုယ် ဂရုစိုက်ခြင်းတစ်မျိုးသာ ဖြစ်ပါတယ်။ လူတိုင်းဟာ ဘဝရဲ့တစ်ချိန်ချိန်မှာ စိတ်ပိုင်းဆိုင်ရာ အထောက်အပံ့ လိုအပ်တတ်ကြပါတယ်။
.
၃။ ကလေးများနှင့် စိတ်ကျန်းမာရေး
အယူအဆအလွဲ ❌ ကလေးတွေမှာ ဘာပူစရာရှိလို့လဲ၊ သူတို့ စိတ်ညစ်တယ်ဆိုတဲ့ကိစ္စတွေက ကလေးကလားတွေပါ။
အမှန် ✅ ကလေးတွေမှာလည်း လူကြီးတွေလိုပဲ စိုးရိမ်စိတ်လွန်ကဲတာ၊ စိတ်ဓာတ်ကျတာတွေ ဖြစ်နိုင်ပါတယ်။ သူတို့ရဲ့ဖော်ပြပုံက လူကြီးတွေနဲ့မတူဘဲ ဆိုးချင်တာ၊ ကျောင်းစာမလိုက်နိုင်လာတာ ဒါမှမဟုတ် ရန်လိုတာမျိုးတွေနဲ့ ပြသတတ်ပါတယ်။
.
၄။ စိတ်ဒဏ်ရာ (Trauma) နှင့် ပတ်သက်၍ . . .
အယူအဆအလွဲ ❌ အချိန်ကြာလာရင် အားလုံးမေ့သွားမှာပါ။ အချိန်က ဆေးပဲလေ။ ကုစားပေးသွားမှာပါ။
အမှန် ✅ အချိန်ကြာတာ တစ်ခုတည်းနဲ့တော့ စိတ်ဒဏ်ရာတွေ မပျောက်ကွယ်သွားနိုင်ပါဘူး။
လိုအပ်တဲ့ ကုသမှုမခံယူဘဲ လစ်လျူရှုထားတဲ့ စိတ်ဒဏ်ရာတွေဟာ နှစ်ပေါင်းများစွာကြာတဲ့အထိ လူတစ်ယောက်ရဲ့ အပြုအမူနဲ့ ဆုံးဖြတ်ချက်တွေအပေါ် ဆိုးကျိုးတွေ ပေးနေတတ်ပါတယ်။ မှန်ကန်တဲ့ ကုထုံး (Therapy) နဲ့ ကုသဖို့ လိုအပ်ပါတယ်။
…
…
အနှစ်ချုပ်
စိတ်ပိုင်းဆိုင်ရာ ကျန်းမာရေးဟာ ရုပ်ပိုင်းဆိုင်ရာ ကျန်းမာရေးလိုပဲ အရေးကြီးပါတယ်။ လိုအပ်ရင် နားထောင်ပေးမယ့်သူ ဒါမှမဟုတ် ကျွမ်းကျင်သူနဲ့ တိုင်ပင်ဖို့ ဝန်မလေးပါနဲ့…..။
..
..
❤️NUG, MOH တယ်လီကျန်းမာ၊ လူတိုင်းအတွက်ပါ ❤️
👉တယ်လီကျန်းမာတွင် ဆရာဝန်များနှင့် အွန်လိုင်းမှတစ်ဆင့် အခမဲ့ (အခမဲ့) တိုင်ပင်ဆွေးနွေးနိုင်ပါသည်။
*** ပိတ်ရက်မရှိပါ ***
ကြိုတင်ဘိုကင်ယူရန်အတွက် တယ်လီကျန်းမာ messenger ကို ဆက်သွယ်ပါ။
(နေ့စဥ် မနက် ၈ နာရီမှ ည ၁၀ နာရီအထိ)
…
…
👉 စိတ်ပိုင်းဆိုင်ရာ ဆွေးနွေးရင်ဖွင့်လိုသူများအတွက်….
မိမိကိုယ်ကိုသေကြောင်းကြံစည်မှု လုံးဝမရှိစေရ
Zero Suicide Hotline သို့ ဆက်သွယ်ရန်
(မနက် (၈) နာရီမှ နေ့လယ် (၁၂) နာရီ
ညနေ (၆) နာရီမှ ည (၁၀) နာရီအတွင်း)
*** မိနစ်ပိုင်းအတွင်း စာမပြန်ပါက “ /start” ဆိုသည်ကို ထပ်မံနှိပ်ပေးရန် လိုအပ်ပါသည် ***
Ministry of Health,
National Unity Government.
