💧ပြင်းထန်တဲ့ နွေအပူဒဏ်ကြားမှာ ရေဓာတ်ပြည့်ဝနေစေဖို့
မြန်မာနိုင်ငံရဲ့ အခုလို နွေရာသီကာလမှာ အပူရှိန်ဟာ တစ်နေ့ထက်တစ်နေ့ ပိုမိုပြင်းထန်လာပါတယ်။ ဒီလိုအချိန်မှာ ခန္ဓာကိုယ်က ချွေးထွက်များတာကြောင့် ရေဓာတ်နဲ့ သတ္တုဓာတ်တွေ ဆုံးရှုံးနေလေ့ရှိပါတယ်။ ရေဓာတ်ခမ်းခြောက်တဲ့အခါ ခေါင်းမူးတာ၊ နုံးချည့်တာ၊ အာရုံစူးစိုက်မှုမရှိတာနဲ့ အဆိုးဆုံးအနေနဲ့ အပူလျှပ်ခြင်း (Heatstroke) အထိ ဖြစ်ပွားနိုင်ပါတယ်။
ဒါကြောင့် အပူဒဏ်ကို အံတုပြီး ရေဓာတ်ပြည့်ဝလန်းဆန်းနေစေဖို့ အောက်ပါအချက်လေးတွေကို လိုက်နာကြည့်ကြပါစို့။
၁။ ရေကို နည်းနည်းနဲ့ ခဏခဏ သောက်ပါ။
ဗိုက်ဆာမှ စားသလိုမျိုး ရေငတ်မှ ရေသောက်တာထက် ရေကို တစ်နေကုန် ပုံမှန်လေး နည်းနည်းချင်းစီ သောက်ပေးသင့်ပါတယ်။ ရေငတ်တယ်ဆိုတာ ခန္ဓာကိုယ်က ရေဓာတ်စတင်လိုနေပြီလို့ အချက်ပြတဲ့ နောက်ဆုံးအဆင့်ဖြစ်တာကြောင့် ရေငတ်တဲ့အထိ မစောင့်ပါနဲ့နော်။
.
၂။ ရေဓာတ်ကြွယ်ဝတဲ့ အသီးအနှံတွေကို စားပါ။
ရေသောက်ရတာ ငြီးငွေ့လာရင် ရေဓာတ် (၉၀%) ကျော်ပါဝင်တဲ့ သဘာဝအသီးအနှံတွေကို အစားထိုးစားသုံးနိုင်ပါတယ်။ ဖရဲသီး၊ သခွားသီး၊ လိမ္မော်သီး တွေဟာ ရေဓာတ်တင်မကဘဲ နွေရာသီမှာ လိုအပ်တဲ့ ဗီတာမင်နဲ့ သတ္တုဓာတ်တွေကိုပါ ဖြည့်ဆည်းပေးပါတယ်။
.
၃။ ကဖင်းနှင့် အရက်ကို ဆင်ခြင်ပါ။
ကော်ဖီ၊ လက်ဖက်ရည်နဲ့ အရက်တို့ဟာ ဆီးရွှင်စေတာကြောင့် ခန္ဓာကိုယ်ထဲက ရေဓာတ်ကို ပိုမိုဆုံးရှုံးစေပါတယ်။ အပူရှိန်ပြင်းတဲ့အချိန်မှာ ဒီလိုသောက်စရာတွေကို လျှော့ချပြီး ရိုးရိုးရေ (သို့) အုန်းစိမ်းရည်ကဲ့သို့ သဘာဝဓာတ်ဆားရည်တွေကို ရွေးချယ်သင့်ပါတယ်။
.
၄။ အဝတ်အစားနှင့် နေထိုင်မှုပုံစံ
ပေါ့ပေါ့ပါးပါးဝတ်ပါ။ ချည်သားကဲ့သို့ အပူဒဏ်ခံနိုင်ပြီး ချွေးစုပ်တဲ့ အဝတ်အစားပွပွတွေကို ရွေးချယ်ဝတ်ဆင်ပါ။ နေပူထဲထွက်ခြင်းကို ရှောင်ပါ။အပူရှိန်အပြင်းဆုံးအချိန်ဖြစ်တဲ့ မွန်းတည့် (၁၁) နာရီကနေ ညနေ (၄) နာရီအတွင်း အပြင်ထွက်ခြင်းကို တတ်နိုင်သမျှ ရှောင်ကြဉ်ပါ။
.
နွေရာသီမှာ ရေဓာတ်ပြည့်ဝနေခြင်းဟာ ကျန်းမာရေးအတွက်သာမက စိတ်ကြည်လင်လန်းဆန်းဖို့အတွက်ပါ အခြေခံကျပါတယ်။ ကိုယ်တိုင်သာမက မိသားစုဝင်တွေထဲက ကလေးသူငယ်တွေနဲ့ သက်ကြီးရွယ်အိုတွေကိုလည်း ရေပုံမှန်သောက်ဖို့ သတိပေးဖို့ မမေ့ကြပါနဲ့နော်…..။
💦💦💦
..
..
❤️NUG, MOH တယ်လီကျန်းမာ၊ လူတိုင်းအတွက်ပါ ❤️
👉တယ်လီကျန်းမာတွင် ဆရာဝန်များနှင့် အွန်လိုင်းမှတစ်ဆင့် အခမဲ့ (အခမဲ့) တိုင်ပင်ဆွေးနွေးနိုင်ပါသည်။
*** ပိတ်ရက်မရှိပါ ***
ကြိုတင်ဘိုကင်ယူရန်အတွက် တယ်လီကျန်းမာ messenger ကို ဆက်သွယ်ပါ။
(နေ့စဥ် မနက် ၈ နာရီမှ ည ၁၀ နာရီအထိ)
…
…
👉 စိတ်ပိုင်းဆိုင်ရာ ဆွေးနွေးရင်ဖွင့်လိုသူများအတွက်….
မိမိကိုယ်ကိုသေကြောင်းကြံစည်မှု လုံးဝမရှိစေရ
Zero Suicide Hotline သို့ ဆက်သွယ်ရန်
(မနက် (၈) နာရီမှ နေ့လယ် (၁၂) နာရီ
ညနေ (၆) နာရီမှ ည (၁၀) နာရီအတွင်း)
*** မိနစ်ပိုင်းအတွင်း စာမပြန်ပါက “ /start” ဆိုသည်ကို ထပ်မံနှိပ်ပေးရန် လိုအပ်ပါသည် ***
Ministry of Health,
National Unity Government.
